Personi i fundit që takoi Alma Arrazin me tre fëmijë, zbardhet dëshmia e kunatës
Prokuroria e Shkodrës ka marrë sërish në pyetje Valentina Arrazin, kunata e Alma Arrazit si personi i fundit që takoi 39-vjeçaren përpara se ajo të mbytej në Bunë bashjë me 3 fëmijët e mitur.- Advertisement –
Para prokurorëve Valentina Arrazi ka treguar se ditën kur ka ndodhur ngjarja ka dalë si zakonisht për kafe me kunatën dhe fëmijët e saj në një lokal në hyrje të qytit. Ajo është shprehur se rrugës, teksa vetë është futur në një market, Alma i ka treguar se para saj kishte kaluar me makinë, Erdgysi (bashkëshorti i saj) me të dashurën e tij.
“Dolëm për të pirë një kafe së bashku me Almën dhe fëmijët tanë te një lokal në pedonalen e molos, në hyrje të qytetit të Shkodrës. Unë e kam dashur shumë Almën edhe ajo mua e po ashtu edhe fëmijët kanë shkuar shumë mirë ndaj edhe dolëm si zakonisht me njëra-tjetrën. Rrugës përpara se të mbërrinim unë u ndala në një market për të blerë diçka dhe Alma më priti jashtë. Kur dola Alma më tregoi se Erdgysi kishte kaluar me makinë së bashku me të dashurën e tij dhe se i kishte parë. Unë nuk e kam parë Erdgysin sepse isha në market, por Alma më tha se kishte kaluar. Kemi vijuar rrugën dhe u ulëm në kafe. Fëmijët po luanim dhe me Almën biseduam pak për marrëdhënien e saj me Erdgysin. Më pas vijuam edhe me biseda të tjera dhe rreth orës 20:10 ikëm nga aty. Alma më tha më përpara se do të vinte ta merrte i vëllai me taksi dhe se do shkonte tek familja e saj në Durrës derisa të sqaroheshin me bashkëshortin e saj. Më tregoi se Erdgysi ishte në dijeni se do ikte dhe u ndamë… Fakti që ishte larguar edhe para një muaji tek familja nuk më bëri të dyshoj për atë gjë aq të rëndë që Alma bëri. Unë po ta dija se Alma do mbytej bashkë me fëmijët do kisha bërtitur në mes të lokalit dhe nuk do ta kisha lënë kurrë por nuk e dija sepse thjeshtë më tha se do e merrte i vëllai”, është shprehur mes të tjerash ajo.
Sponsoruar / Sponsored